رحیم یار خان۔25جنوری  (اے پی پی):متحدہ عرب امارات  ءِ  صدر  شیخ  محمد  بن  زید النہیان  چار  شمبے  ءِ    روچ  ءَ  پاکستان  ءِ پرائیویٹ   تر ءُ تاب  ءِ ھاترا  رحیم  یار خان  ءَ  پج  اتگ۔  مزن وزیر  کارگس  ءِ  میڈیا  ونگ   ءِ  نیمگ   جاڑی  بوتگیں پریس  ریلیز   ءِ رد ءَ ائیر پورٹ  ءِ سر ءَ  مزن وزیر  محمد   شہباز شریف  ءَ آئی  ءَ را   وش اتک  کت۔  اے موہ ءَ  وزیر  ءِ  اھوالکاری   ءُ شنگ کاری مریم اورنگزیب   ،  نگران   سر وزیر  پنجاپ  سید محسن  رضا  نقوی  ءُ  مزن وزیر   ءِ ھاسیں کمکار  سید    طارق فاطمی  ھم  ساڑی ات۔  ائیر  پورٹ  ءِ   سر ءَ گند ءُ نند  ءِ ساھت  ءَ دوئیں  سروک  آں دوئیں  ملک   آنی  سروکیں  ملک  آنی   نیام ءَ براتی  آناں  یکوئی آنی  دیمروئی  دیگ ءِ جزم ءِ درشان کت۔  مزن و زیر   ءَ متحدہ عرب   امارات ءِ وتی  استیں  تر ءُ تاب  ءِ  تران   ءَ کنان  ءَ  اے گپ ءِ سر ءَ زور  پر داتگ کہ  دوئیں ملک آنی نیام ءَ  جتا  جتائیں  شوبگ  آنی تہءَ  منوگر بوتگیں  وت  مہ وتی  ءِ ھوالگ  ءَ  گیشاں چہ  گیش  کار کنگ  بیت۔  یو  اے  ای   ءِ صدر  شیخ  محمد   بن زید  النہیان  ءَ گوشت کہ دوئیں  ملک آنی نیام ءَ  براتی  ءُ یکوئی  بازیں   سالانی  انت۔  آئی  ءَگوشت کہ  آئی  ءِ  پت  پاکستان  ءُ  ایشی ءِ  الس آں  گوں  بے  کساس  محبت  کنت۔  آ پاکستان  ءَ را  وتی   دومی گس  پھم ائیت۔  آئی ءَ  مزن وزیر ءَ را دل  یکیمی  دات  کہ متحدہ  عرب  امارات   مدام  پاکستان  ءِ گوما  ھمگام ءَ   اوشت ائیت۔