اسلام آباد۔ 25 جنوری (اے پی پی) وزیراعظم محمد شہباز شریف پارینے کہ ای تدوک آ دے پی ایم یوتھ بزنس اینڈ ایگریکلچر لون اسکیم نا بناءِ کریٹ، دا پوسکن آ اسکیم ورناتا شونداری نا چندی پروگرام تیا تالان ءِ، زالبول ، ٹرانس جینڈر و خصوصی بندغ آک دا اسکیم آن فائدہ ہرفسا قومی شونداری ٹی بشخ ہلیر۔ چارشنبےنادے آ تینا ٹویٹ اٹی اوپارے کہ پی پی ای ایف وام تیان ہلیس لیپ ٹاپ اسکیم آن ہلیس خودروزگار اسکیم اسکان مسلم لیگ (ن) میاں نواز شریف نا کماشی ٹی ورناتے واکدار کننگ کن تینا تعلقداری نا درشانی ءِ کرینے۔ اوپارے کہ ساڑی آ لون اسکیم نا رداٹ ورناک آسان شڑت و ضابطہ غا 75 لکھ اسکان نا وام اکن درخواست تننگ کیرہ۔ 5 لکھ روپئی اسکان نا وام آ ہچ ءُ سود اس اف۔ اوپارے کہ ای تینا زالبول، ٹرانس جینڈر و خصوصی بندغ آتے درخواست تننگ و قومی شونداری ٹی بشخ شاغنگ نا پبی است بڈی ءِ کیوہ۔
