سرینگر۔24جنوری (اے پی پی):کنٹرول لائن ءِ دوئیں نیمگ ءُ سرجمیں دگنیا ءَ نندوکیں کشمیری 26 جنوری پنچ شمبے ءِ روچ ءَ بھارت ءِ یوم ءِ جمہوریہ ءَ یوم سیاہ ءِ رد ءَ برجم دار ائیت ایشی ءَ چہ پد بھارت ءِ نیمگ ءَ کشمیری آنی وت واجئی ھک ءَ گوں یک شلی ءَ گوں بُکگ جنگ ءِ ھلاپ ءَ وتی جاکی ءُ کوکار ءَ را ریکاٹ کنائینگ انت۔ کشمیر میڈیا سروس ءِ رد ءَ یوم ءِ سیاہ ءِ برجم دارگ ءِ اپیل کل جماعتی حریت کانفرنس ءَ داتگ۔ اے روچ ءَ مقبوضہ کشمیر ءَ یوم سیاہ برجم دارگ بیت ءُ آزات کشمیر، پاکستان ءُ جتا جتائیں ملک آنی دارالحکومت آنی تہ ءَ بھارت ءِ ھلاپ ءَ کتگیں جاک ءُ کوکار ءُ ریلی در کنگ بیت تانکہ میاں اوستمانی برات آناں اے کلوہ دیگ بہ بیت بھارت آئی ءَ کہ کشمیر آنی توامیں بنیاتی ھک آنان لگت مال کتگ ءُ ایشرا مقبوضہ دمگ ءَ وتی یوم ءِ سیاہ برجم دارگ بیت ءُ آزات کشمیر، پاکستان ءُ جتا جتائیں ملک آنی دارالحکومت آنی تہ ءَ بھارت ءِ ھلاپ ءَ جاک ءُ کوکاری ریلی در کنگ بیت تانکہ میاں اوستمانی برات آناں اے کلوہ دیگ بہ بیت کہ بھارت آئی ءَ کشمیر آنی توامیں بنیاتی ھک آناں لگ مال کتگ ءُ ایشرا مقبوضہ دمگ آنی تہ ءَ وتی یوم ءِ جمہیوریہ برجم دارگ ءِ ھک گون نیست انت۔ صدائے مظلومین، جموں کشمیر ڈیموکریٹک موومنٹ، تحریک آزاتی جموں کشمیر، جموں کشمیر لبریشن الائنس، جموں کشمیر پولیٹیکل ریزیسٹنس موومنٹ اور یوتھ فریڈم فائٹرز ءَ وتی بیان، کلوہ ءُ پوسٹر آنی وسیلگ ءَ سرینگر ءُ وادی کشمیر ءِ ایندگر دمگ آنی تہءَ کشمیری الس ءَ گوں بھارتی یوم جمہوریہ ءِ سرکاری مراگش ءَ را بائیکاٹ کنگ ءُ وتی گس ءُ دکان ءُ ایندگر ماڑی آنی سر ءَ سیاھیں بیرک درنجگ ءِ دزبندی کتگ۔
