تعلیم پاکستان کن زند ومرک انا ویل ءِ، اگہ اینو نن تعلیم آ چکار کتون تو بھاز پدی سلنہ، راجہ پرویز اشرف

اسلام آباد۔ 24 جنوری (اے پی پی) اسپیکر قومی اسمبلی راجہ پرویز اشرف پارینے کہ تعلیم پاکستان کن زند و مرک انا ویل ءِ، دنیا داخہ در ترندی اٹ مون آ ہِننگ ءِ کہ اگہ اینو نن تعلیم آ چکار کتون تو نن بھاز پدی سلنہ۔ سے شنبےنادے آ جہانی یوم تعلیم نا وخت آ تینا کلہو اٹی اوپاکستان و مچ آ دنیا نا غٹ استاد ، طالب علم و خاہوت آتے مبارکبادی پیش کرے و پارے کہ تعلیم ہر راج انا بنداو ءِ ہرا بندغ و قوم تا شونداری کن بھاز المی  ءِ۔ اوپارےکہ تینا زند ءِ بدلیفنگ و اسہ پرامن و شونہالی راج اسے نا ٹہیفنگ کن تعلیم ہی اسٹ انگا طاقت ءِ۔ اوپارے کہ پاکستان نا قومی اسمبلی نا اسپیکر نا حیثیت اٹ کنے دا گمر محسوس مریک کہ نن تدوک آ سال اٹی تعلیم اسکان رسینگ ءِ ودفنگ کن نمان پیش رفت کرینن ولے پاکستان اٹی ہر چنا ءِ آب اٹ تعلیم تننگ نا آب اٹ موقع فراوان کننگ کن داسکان ننے بھلو مرغن ءُ سفر اسے طے کروئی ءِ۔ اوبابائے قوم قائد اعظم محمد علی جناح نا فرمان نا بابت پارے کہ تعلیم ننا ملک اکن زند و مرک انا ویل ءِ۔ دنیا ترندی اٹ مون آ ہِننگ اٹی ءِ۔ اگہ نن تعلیم آ چکار کتون تو نن بھاز پدی سلنہ۔ اوپارے کہ ای حکومت، نجی بشخ و سول سوسائٹی تون اوار غٹ اسٹیک ہولڈر آتیا زور شاغیوہ کہ او داہیت ءِ پک کننگ کن اواری اٹ کاریم ءِ برجاتخر کہ پاکستان اٹی تعلیم اسکان ہر چنانا رسینگ مرے۔ جہانی یوم تعلیم نا وخت آ ببو نن تینے دا عظیم مسخت کن وقف کین و غٹ اکن اسہ روشنا ءُ آخبت اسے نا جوڑ کننگ کن اواری اٹ کاریم کین۔ اوپارے کہ جہانی یوم تعلیم ءِ اڈتننگ پاکستان اٹی غٹ اکن ’’ آب اٹ تعلیم کن اسہ کال ٹوایکشن ‘‘ ءِ۔