اسلام آباد۔23جنوری  (اے پی پی): مزن وزیر محمد شہبا زشریف ءَ   محسن نقوی ءَ را پنجاپ ءِ سر پانک  سروزیر  جوڑ  بوہگءَ  مراد  بات داتگ۔ دوشمبے ءِ روچءَ مزن وزیر  کارگسءِ میڈیا ونگ ءَ چہ  شنگ بوتگیں بیان ءِ ردءَ مزن وزیر ءَ گشتگ کہ الیکشن کمیشن ءَ آئین ء ُ کانود ءِ ردءَ سرپانک مزن  وزیر جوڑ کنگءِ   فیصلہ کتگ۔ الیکشن کمیشن ءِ  فیصلہ ءَ را وش اَتک کناں، اُمیت اِنت کہ ساپ ءُ سلہ، آزاتیں ءُ   دربازی  گچین کاری ءِ درائیں لوٹ پیلو بنت۔  مزن وزیر ءَ اُمیت درشان کتگ کہ محسن نقوی آئین ءِ لوٹانی ردءَ اے زمہ واری ءَ  پیلو کنت،منی دعا اِنت کہ آ اے آئینی ءُ اُلسی فرض ءَ پیلو کنگءَ سوبمند بیت۔  مزن وزیر ءَ گشتگ کہ پاکستان مسلم لیگ( ن) ءِ صدر ءِ ردءَ  شمارا   سروزیر جوڑ بوہگءَ مراد بات دئیاں۔ مزن وزیر ءَ  سرپانک  سروزیرءِ ھاترءَ نیکیں واہگانی درشانی کتگ۔