درشانی ءِ آجوہی ءِ  نام ءَ اسلام ء ِ شرپ مندیں کتاب ءِ بے ادبی کنگءَ چہ ارباں مسلمان آناں رنج دیئگ بوتگ،   ملک مستر ڈاکٹر عارف علوی ءِ سویڈن ءَ قرآن پاک ءِ  بے ادبی کنگءَ را  ایر جتگ

اسلام آباد۔23جنوری  (اے پی پی): ملک مستر ڈاکٹر عارف علوی ءَ  سویڈن ءَ قرآن پاک ءِ بے ادبی ءَ را ایر  جتگ  ء ُ اسلامو فوبیا ءِ حلاپ ءَ  مُچی جزم ءِ درشانی کتگ ء ُ گشتگ کہ درشانی ءِ آجوہی ءِ نام ءَ اسلام  ءِ  شرپ مندیں کتاب ءِ  بے ادبی کنگءَ چہ ارباں مسلمان آناں رنج دیئگ  بوتگ۔ دوشمبے ءِ روچءَ  ایوان صدر ءِ پریس ونگءَچہ شنگ بوتگیں بیان ءِر دءَ ملک  مسترء َ گشتگ کہ قرآنءِ  بے ادبی  کنگءِ گامگیج احمقی ، کستء ُکینگ ء ُ اسلامو فوبیا اِت۔  ملک مسترءَ گشتگ کہ درشانی ءِ آجوہی ءِ نام ءَ  کست ءُ کینگ ء ُ مردماناں لٹء ُکُٹ کنگءَ سکین دیئگ ءِ اجازت  دئیگ نابیت، اسلام  دنیاءِ مذہب آنی ھاترءَ  عزت ء ُ شرپءِ  سکین ءَ دنت۔ ملک  مسٹر عارف  علوی ءَ گشتگ کہ اے ناوشیں  گامگیج ءَ  مسلماناناں آیانی شرپ مندیں کتاب ءِ  بے  ادبی کنگءَ چہ  باز رنج داتگ۔ ملک مسترءَ گشتگ کہ میاں اوستمانی براتی اسلامو فوبیا ءِ حلا پ ءَ یکجاہی جزم ءِ درشانی بہ  کنت۔