ملکءَ دوشمبے ءِ سھب ءَ نیشنل گرڈ ءِسسٹم فریکوئنسی کمی ءِ  سوب ءَ بجلی ءِ نظام آماچ  بوتگ،  پاور ڈویژن جارچین

اسلام آباد۔23جنوری  (اے پی پی):پاور ڈویژن  ءِ جارچین ءَ  گشتگ کہ بنداتی حالانی ردءَ دوشمبے ءِ  روچءَ سھب ءِ  7:34 بج ءَ نیشنل گرڈ ءِ سسٹم فریکوئنسی کم بوتگ۔ کہ آئی ءِ سوب ءَ ملک ءَ بجلی ءِ  نظام ءِ تہا مزیں بریک ڈاؤن بوتگ۔ وتی بیان ءِ تہا آئی ءَ گشتگ کہ وارسک ءَچہ گرڈ سٹیشن آناں شرکنگ بندات  کنگ بوتگ ء ُ یک  کلاکے ءِ تہا اسلا م آباد الیکٹرک سپلائی کمپنی ءِ  گرڈز بحال کتگ اَنت۔ آئی ءَ  گشتگ کہ سسٹم ءِ  شرکنگءِکار گوں گشادی ءَ بوہگءَ اِنت۔