اسلام آباد۔23جنوری (اے پی پی): بنجاھی وزیر ھاٹیگ انجینئر خرم دستگیر ءَ گوشتگ کہ توان ءِ برجائی ءِ واستہ سرجمیں رنگ ءَ کوشت جاڑی انت، سرجمیں ملک ءَ یک یک ءَ توامیں پاور پلانٹس چلائینگ ءَ بندات کنگ ءَ آں، امیت انت کہ شپ ءَ تاں سرجمیں ملک ءَ توان کاینت۔ مزن وزیر ءِ پنت ءُ شون ءِ پد ءَ توان ء بریک ڈائون ءِ پٹ ءُ پول کنگ بوھگ ءَ انت۔ دو شمبے ءَ پریس کانفرنس ءَ گوں گشتانک دیان ءَ آئی ءَ گوشت کہ توان ءِ نارتھ ساؤتھ نظام ءِ تہءَ ھرابی بوتگ، سہب ءِ 7 بج ءُ 34 ملنٹ ءَ نارتھ ساؤتھ شنگ ءُ تالانی کوریڈور ءَ فیکوئنسی ءِ تہ ءَ برز ءُ جھلی بوتگ ایشی ءِپد ءَ نیشنل گرڈ ءِ سسٹم فریکوئنسی آماچ بوتگ، سسٹم فریکوئنسی آماچ بوھگ ءَ چہ ملک ءَ توان ءِ دراج بریں بریک ڈاؤن ءِ پیداک بوتگ۔ وزیر ءِ ھاٹیگ خرم دستگیر ءَ گوشتگ کہ توان ءِ شنگ ءُ تالان ءِ نظام محفوظ انت ٹیمب آناں روان دیگ بوتگ بلے اچ رنگیں ھرابی یا واکیہ نیست انت۔ سرجمیں ملک ءَ ٹیمب فنی ھرابی ءَ را دور کنگ ءِ واستہ کار ءَ انت۔ بنجای وزیر ءَ گوشت کہ اوچ ءِ ھند ءَ پاور پلانٹ ءِ رد ءَ دگہ توان پجاری کنگ ءَ انت ایشی ءَ چہ سندھ ءِ لستیں دمگ آنی تہءَ توان ھمروچگیں رنگ ء پجاری کنگ بوھگ ءَ انت نوں اے پاور پلانٹ ءَ چہ بلوچستان ءُ زر باری پنجاپ ءِ لستیں دمگ آنی تہءَ الیکٹرک ءَ را کسانیں ھد ءُ ابیلی رنگ ءَ برجا کنگ بوتگ۔ کے الیکٹرک ءَ را ھم توان پجاری ءِ واستہ کار بوھگ ءَ انت ، انچو کہ نیشنل گرڈ ءِ برجائی بیت کے الیکٹرک ءَ را سرجمیں رنگ ءَ توان پجاری کنگ بیت۔ مزن وزیر ءَ پنت ءُ شون کت کہ توان بریک ڈاؤن ءِ سبب ءِ پٹ ءُ پول کنگ بوھگ ءَ انت۔ سئے باسکی کمیٹی ھم جوڑ کنگ بوتگ، تھر کول ءَ چہ توان ءِ پجاری کنگ بوھگ ءَ انت، وزیر ءِ ھاٹیگ خرم دستگیر خان ءَ گوشت کہ ا نیشنل پاور کنٹرول ءَ چہ تون ءِ برجائی اپریشن ءِ وت نگرانی ءَ کنگ ءَ آں، مزن وزیر ءَ را سرپد کنگ بوتگ کہ سئے باسکی کمیٹی جوڑ کنگ بوتگ ایش دراج بریں بریک ڈاؤن ءِ سبب ءِ پٹ ءُ پولی رپوٹ دنت۔ وزارت ءِ ھاٹیگ دلگوش ءُ زمہ واری ءِ گوما کا کنگ ءَ انت ءُ زوت توان ءِ برجائی کنگ بیت۔
