اسلام آباد۔ 23 جنوری (اے پی پی) وزیراعظم محمد شہباز شریف نگران وزیراعلیٰ پنجاب جوڑ مننگ آ محسن نقوی ءِ مبارکبادی تسنے۔ دوشنبےنادے آ وزیراعظم آفس نا میڈیا ونگ آن جاری بیان نا رداٹ وزیراعظم پارے کہ الیکشن کمیشن آئین و کانود نا رداٹ نگران وزیراعلیٰ نا تقرر نا فیصلہءِ کرے۔ الیکشن کمیشن نا فیصلہ نا ستاءِ کینہ، اومیت ءِ شفاف ، آجو و بے کنڈہلوک گچین کاری تا غٹ خواست آک پورو مریرہ۔ وزیراعظم اومیت ظاہر کرے کہ محسن نقوی آئین نا خواست آتا رداٹ دا زمواری ٹی سرسہب مریک، کنا دعا ءِ کہ او دا آئینی و السی فرض اٹ جوان وڑاٹ سرسہب مرے۔ وزیراعظم پارے کہ پاکستان مسلم لیگ (ن) نا صدر نا وڑاٹ اونا تقرری ءِ بخیر اٹ پاوہ۔ وزیراعظم نگران وزیراعلیٰ پنجاب کن نیک است خواہی نا درشانی ءِ کرے۔
