مسلم لیگ (ن) نا سینئر نائب صدر مریم نواز 28 جنوری آ شام انا 8 بجہ غا لاہور آ سرمریک، بنجائی وزیر حوالکاری مریم اورنگزیب نا ٹویٹ

اسلام آباد۔ 23 جنوری (اے پی پی) بنجائی وزیر حوالکاری و شینکاری مریم اورنگزیب پارینے کہ مسلم لیگ (ن) نا سینئر نائب صدر چیف آرگنائزر مریم نواز انشاء اللہ 26 جنوری آ لندن آ روانہ مریک و 28 جنوری (ہفتہ ) نا شام انا 8 بجہ غا لاہور آ سرمریک۔ دوشنبے نادے آ ٹویٹر آ تینا کلہو اٹی او پارے کہ الحمداللہ نما غٹ انا دعاتے اٹ مریم نواز شریف سرجری آن پد دراخ جوڑ مرسا وطن آ پدی بننگ اٹی ءِ ، نما غٹ انا دعا و نیک است خواہی تا منت وار۔