نیشنل ہائی وے اتھارٹی نا پِر و برف اٹی سڑک آتیا احتیاط اٹ ڈرائیونگ کننگ نا پارت

اسلام آباد۔ 23 جنوری (اے پی پی) نیشنل ہائی ویز اینڈ موٹروے پولیس روڈ صارف آتیا زور شاغانو کہ او پِر اٹی قومی شاہراہ تیا ڈرائیونگ اٹی  احتیاط آن کاریم ہلیر۔ محکمہ موسمیات نا میدانی علاقہ غاتیٹی شنزہ ئی آ پِر و قطبی علاقہ غاتیٹی 25 جنوری اسکان برف انا پیشن گوئی آن پد این ایچ اے سفر ءِ رکھ کننگ کن گام گیج کرینے ہرانا رداٹ روڈ صارف آتے ایف ایم ریڈیو نشریات و موبائل ایپلی کیشن تا کمک اٹ خصوصی آگاہی تننگ انگ ءِ۔ نیشنل ہائی ویز اینڈ موٹرویز پولیس نا کمامدارآک پاریر کہ شاہ مقصود آن تھاکوٹ ای۔ 35 ، دیناناتھ آن جناح ٹرمینل ٹھوکر بائی پاس این۔ 5، اسلام آباد ٹول پلازہ غان صوابی ایم ۔ ون تون اوار ٹھلیاں انٹرچینج آن اسلام آباد ٹول پلازہ ایم۔ ٹو، حویلیاں آن اچریاای۔35، شاہین سی این جی آن دیناناتھ این۔ 5 و کاٹلنگ آن چکدرہ اسکان ایکسپریس ہائی وے آ موسم نا حالیت آتا سوب آن لغوشت کُننگ نا حالیت آک ءُ۔ اوفک پاریر کہ بے احتیاطی ٹریفک شکست آتا سوب مریرہ ہنداخاطران احتیاط اٹ ڈرائیونگ کیر۔