مچ آ ملک اٹی 24 گھنٹہ ٹی کورونا دین انا 10 کیس رپورٹ، 9 ناجوڑ آتا حالیت نازرک

اسلام آباد۔ 23 جنوری (اے پی پی) مچ آملک اٹی 24 گھنٹہ ٹی کورونا دین انا 10 کیس رپورٹ مس، و 9 ناجوڑ آتا حالیت نازرک ءِ۔ دوشنبےنادے آ قومی ادارہ جان جوڑی (این آئی ایچ) نا کنڈآن جاری حساب وکتاب نا رداٹ مچ آ ملک اٹی 24 گھنٹہ ٹی 3 ہزار 25 کورونا ٹیسٹ کننگا ہرافتیان 10 ٹیسٹ مثبت بس و داوخت آ کورونا ٹیسٹ انا مثبت کچ 0.33 درسد ئس۔ داوخت آ کورونا دین آن اسہ ناجوڑ اس ہم زوال کتنے وخت اس کہ 9 ناجوڑ آتا حالیت نازرک ءِ۔ مچ آ ملک انا چندی شار تیٹی 24 گھنٹہ ٹی کروک آ ٹیسٹ آتیٹی اسلام آباد اٹی 123 ٹیسٹ کننگا، ہندا وڑ پشاور اٹی 119 ٹیسٹ آتیان اسہ ٹیسٹ اس مثبت س و ہموڑے مثبت کیس آتا کچ 0.84 درسد ئس وخت اس کہ لاہور اٹی 395 ٹیسٹ آتیان 2 ناجوڑ آتا ٹیسٹ مثبت بس و ہموڑے مثبت کیس آتا کچ 0.51 درسد ئس۔