اسلام آباد ۔22جنوری (اے پی پی):بیئپار ءُ زرکاری ءِ پراھی ھاترا پاکستان ایسوسی ایشن آف ایگزبیشن انڈسٹری (پائی )ءِ چیردستی پشاور انٹرنیشنل پراپرٹی ایکسپو 17فروری چہ بندات بیت۔ چیئرمین پائی خورشید برلاس ءَ اے پی پیءَ را سرپد کت کہ دومی پشاور انٹرنیشنل پراپرٹی ایکسپو 17 چہ 19 فروری 2023 تاں ماربیلاکیو مار کی وارسک روڈ پشاور ءِ تہ برجم دارگ بیت۔اے موہ سرا پراپرٹی کنونشن ھم برجم بیت۔آہاں گوشت کہ سئے روچیں نماش تہ سرجمیں ملک چہ نامداریں بلڈرز ،ڈویلپیئر،الائیڈ کنسٹرکشن انڈسٹری ھوار بینک ءِ پراجیکٹ ءُ ٹوارازم انڈسٹری ءَ گوں سیادی داروکیں لہتیں بزنس کمیونٹی ءِ مزنیں کچ ءَ بھرزوری کن ایت۔خورشید برلاس ءَ گوشت کہ پاکستان انٹرنیشنل پراپرٹی ایکسپو اینڈ کنونشن ءِ مول ءُ مراد پاکستان ءِ جوڈ ءُ جاڑی ءُ دیمروئی ءِ پراھی،پاکستان ءِ ساکھ ءَ را گہتر کنگ ءُ ملک ءِ تہ بزنس ءُ زرکاری ءَ گیش کنگ ھاترا کوشست کنگ انت۔
