جدہ ۔22جنوری (اے پی پی):او آئی سی رسانک درادارگہانی یونین (یو این اے)ءَ اسٹاک ہوم ءِ تہ قرآن پاک ءِ بے شرپی ءِ سکیں لبزاں ایرجنان ءَ اے ردیں کارءَ ھوار مردمانی ھلاپ ءَ کارروائی ءِ لوٹ کرتگ۔ یو این اے ءَ سویڈن ءِ واکدارانی موکل ءَ گوں گوستگیں روچ ءَ بیمکارانی نیمگا چہ اسٹاک ہوم ءِ تہ ترکیہ ءِ سفارتجاھ ءِ دیما قران پاک ءِ بے شرپی ءِ سکیں لبزاں ایر جنان ءَ سویڈش واکدارانی سرا زور مان کتگ کہ آں اے ساڑءُ بھیسہ ءِ جرم ءَ ھوار مردمانی ھلاپ ءَ الم ءِ کارروائی ءَ کن انت۔ یو این اے ءِ نیمگا چہ جاڑی بیان ءِ ردا یو این اے ءَ خبردار کت کہ اررنگیں اشتعال دیوکیں کارروائی،آئی ءَ را نفرت انگیز ءُ جرم سرپد کنگ بوھگ انت ءُ بیمکارانی نیمگا چہ گھڑی گھڑی اے رنگیں کار کنگ بوھگ انت۔ مسلمان ءَ را نشانگ جوڈ کنگ ءُ آہانی مقدس اقدار ءِ بے شرپی انت ءُ اسلاموفوبیا ،ساڑ،عدم برداشت ءُ زینوفوبیاءِ خطرناکیں حد تاسربوھگ ءِ مثال وڈ ءَ کار آھگ انت۔ یو این اے ءَ سویڈش حکام سرا زورمان کتگ کہ آں اے نفرت انگیز جرم ءِ تہ ھوار مردمانی ھلاپ ءَ الم ءِ کارروائی ءَ کن انتءُ لوٹ کت کہ اے رنگیں کارروائی ءِ دوبر دیم آھگ چہ دارگ ءُ اسلاموفوبیا گوں دیم دیگ ھاترا میاں اوستمانی کوشستانی تہ ودکی بہ بیت۔
