اسلام آباد۔21جنوری (اے پی پی):صدر مملکت ڈاکٹر عارف علوی ءَ آن لائن بینک فراڈ ءُ جعل ساچی ءِ گیش بیوکیں واکیہ ءِ نوٹس زوران ءَ بینکنگ محتسب ءَ را سنجیدگ ءُ سکیں نوٹس زورگ ءِ پنت داتگ۔پریس ونگ چہ جاڑی بیان ءِ ردا آن لائن بینکنگ فراڈ ءِ گیش بیوکیں رجحان ءُ نوسرباز وتا را بینک ءِ کارندہ پدر کنان ءَ کسٹمرز ءِ جندی بینکنگ تفصیلات زوران ءَ شہریانی کلدار ءَ آن لائن وسیلگ چہ کشگ انت۔صدر مملکت ءَ آن لائن بینک فراڈ ءِ باروا نیوزپیپرز ءِ تہ حال سرا تکانسری ءِ درشان کتگ۔انوں نامداریں تامر نگار ءُ ڈرامہ نگار مرزا اطہر بیگ ءَ را یک آن لائن نوسرباز ءَ آئی بینک اکاونٹ چہ 11 لکھ کلدار چہ زبہر کتگ۔صدرمملکتءَ گوشت کہ بینکنگ محتسبءِ وسیلگ ءَ صدر مملکت ءِ نیمگا چہ سدیں فراڈ کیسز ءِ پیسلہ کنگ ءُ آن لائن فراڈ آماچیں مردماں را ریلیف پھجارگ ابید فراڈ ءِ واکیہ ودکی اپسوز ناک انت۔صدر مملکت ءَ بینکنگ محتسب ءَ را اے ھوالہ گوں سنجیدگ نوٹس زورگ ءِ کڈنی دیان ءَ بینکنگ محتسب ءَ را اناگتی بنیاتاں چیک اینڈ بیلنس ءُ فول پروف سیکیورٹی ایکٹو کنگ ھاترا گام چست کنگ پنت داتگ انت۔
