اسلام آباد۔20جنوری (اے پی پی): حال ءُ اھیوال کاری ءُ شنگکاری ءِ بنجاہی وزیر مریم اورنگزیب ءَ گشتگ کہ پولیو ءِ نادراہی ءِ ہلاسی ءِ جدوجہد مشکل تریں جاوراں جاری اَنت۔ جمعہ ءِ روچءَ وتی ٹویٹءِ تہا بنجاہی وزیر ءَ پولیو ٹیم ءِ یک باسکے ءِ ویڈیو شیئر کتگ کہ آئی ءِ تہا آ ترندیں برپ باری ءِ دمگءَ پولیوءِ ہلاس ءِ ھاترءَ وتی فرض ءَ پیلو کنگءَ اِنت۔ حالءُ اھیوال کا ری ءُ شنگکاری ءِ بنجاہی وزیرءَ گشتگ کہاے ویڈیو پاکستان ءَ محکمیں جزم ءِ ثبوت اِنت۔ مئے ورکرآناں مئے سلام کہ ناشرکاری ء ُ ترندیں موسم آنی مقابلہ ءَ کناںء ُمئے زھگانی جانءُ سلامتی ءِ ھاترءَ جنگ کن اَنت ، اے پاکستان ءِ آیوکیں نسل ءِ سرءَ احسان کنگ ءَ اَنت۔
