اسلام آباد۔20جنوری (اے پی پی): دری کارانی بنجاہی وزیر بلاول بھٹوزرداری ءَ سوئٹزرلینڈءَ میاں اوستمانی فورم ءِ دیوان ءِ موہ ءَ گوگل ءِ ایشیا پیسیفک ءِ صدر سکاٹ بیومونٹ ءَ گوں گندء ُنندکتگ۔ جمعہ ءِ روچءَ وتی یک ٹویٹ ءِ تہا دری کارانی وزیرءَ گشتگ کہ میاں اوستمانی اقتصادی فورم ءِ دیوان ءِ موہ ءَ سکاٹ بیومونٹ ءَ گوں گندء ُنندکنگءَ باز وشی بوتگ۔ بلاول بھٹوزرداری ءَ گشتگ کہ گندء ُنندءَ پاکستان ءِ ڈیجیٹل اکانومی، ہنرءُ ترندیں موسمی پیش گوئی ءِ ھاترءَ تکنیکی کمک ءَرا گیش کنگءِ رھبندانی سرءَ ھیال ء ُ لیکہءِ درشانی کتگ۔ آئیءَ گشتگ کہ اے مول ء ُ مرادانی ھاترءَ سرکاری ء ُ نجی شریداری ءَ گیش کنگءِ وداریگ اَنت۔
