اسلام آباد۔20جنوری (اے پی پی): تہی کارانی بنجاہی وزیر رانا ثنا اللہ خان ءَ خیبر ءَ تختہ بیگ ءَ پولیس چیک پوسٹ ءِسرءَ وت کُش تراک ءَرا ایر جتگء ُ گشتگ کہ وطن ءِ دیمپانی ءِ فرض ءَ پیلو کنگءَ شہید بوہوک راج ءِ بچ مئے بامرد اَنت۔ جمعہ ءِ روچءَ وتی بیان ءِ تہا تہی کارانی وزیر رانا ثنا ء اللہ خان ءَ اے اُرش ءِتہا شہید بوہوکیں پولیس آناں داد ء ُ سلام پیش کتگ۔ تہی کارانی وزیرءَ لکی مروت، وانڈہ احسان ءَ ناشرکارانی حلاپ ءَ پولیس ءِ کاروائی کنگءَ افسرآناں دادء ُسلام پیش کتگ۔ آئی ءَ گشتگ کہ ناشرکاری ءِ ہلاس کنگءَ پولیس جرات مندیں کرد پیلو کنگءَ اِنت۔ تہی کارانی وزیرءَ شہیدآنی حانداناں گوں ہمدردی ءِ درشانی کتگ۔ تہی کارانی وزیر ءَ ٹپیگ پولیس آنی زو ت جان ء ُ سلامتی ءِ دعا کتگ۔ آئی ءَ گشتگ کہ اللہ تعالیٰ شہیدآنی درجگاں مزن بہ کنت ء ُ پُشپدءَ را سگء ُاوپار بہ دنت۔
