اسلام آباد۔20جنوری (اے پی پی): دری کارانی وزیر بلاو ل بھٹو زرداری ءَ سوئٹزرلینڈ ءَ میاں اوستمانی اقتصادی فورم ءِ دیوان ءِ موہ ءَ جنوبی افریقہ ءِ میاں او ستمانی سیادی ء ُ کمک ءِ وزیر ءَ گوں گندء ُنندکتگ۔ وتی ٹویٹ ءِ تہا آئی ءَ گشتگ کہ میاں اوستمانی اقتصادی فورم ءِ دیوان ءِ موہ ءَ ڈاکٹر نالیڈی پنڈورءَ گوں گند ء ُ نند کنگءَ باز وشی بوتگ۔ بلاول بھٹو زرداری ءَ گشتگ کہ پاکستان ء ُ جنوبی افریقہ ءِ نیام ءَ ہرچ تک ءَ دیریگیں محکمیں سیادی اَست، جنوبی افریقہ ءِ دری کارانی وزیرءَ دونیمگی کارانی سرءَ ھیال ء ُ لیکہ ءِ درشانی کتگء ُ ہارءَچہ پد جنوبی افریقہ ءِ ہمراہ داری ء ُ یکوئی ءَ را ساڑاتگ۔ گندء ُ نندءِ تہا دونیمگی بیپاریء ُ زرکاری ءِہوالگءَ سیادیءَ گیش محکم ءِ جزم ءِ درشانی کتگ۔
