اسلام آباد۔20جنوری (اے پی پی):صدر مملکت ڈاکٹر عارف علوی ءَ ملک ءِ ہاوسنگ ءُ جوڑیشتی شوبگ ءَ ماحول دوستیں ءُ مھکمیں جوڑیشتی کار رپک آناں وتی کنگ ءَ ھوار ھاٹیگ ءُ جتا جتائیں کدرتی آسراتی ءِ رکھینگ ءِ واستہ مھکمیں گامگیج ءِ ضلورت ءِ سر ءَ زور پر دیان ءَ گوشتگ کہ ماڑی ءُ گس آنی جوڑیشت ءِ بنیاتی مول ءُ مراد چاگرد ءِ توامیں تبک ءَ ھوار گریب ءُ پشمندگیں تبک ءِ مردم آناں شرپ ءُ ازت ءُ سستائیں زندمان ءِ پجاری کنگ انت۔ اے ھیالانی درشانی آئی ءَ آدینگ ءِ روچ ءَ ، چیئرمین آئی اے پی راولپنڈی / اسلام آباد چیپٹر فواد سہیل ملک، آرکیٹیکٹس، گریجویٹس ءُ ہائوسنگ اینڈ کنسٹرکشن انڈسٹری ءِ باسک آں بھر زوری کت۔ ایشی ءَ چہ پیسر صدر مملکت ءَ جوڑیشتی سامان آنی نماش 2023 ءِ بنگیج کت۔ صدر مملکت ءَ اے موہ ءَ گشتانک دیان ءَ گوشت کہ جوڑیشت ءِ ازم ءِ ڈسپلین ارزشتی انت چیا کہ اے جوڑیشتی پڑ ءَ را بنیات پجاری کنگ ءُ مردم آناں جوانیں شر رنگیں ءُ زیبائیں پجاری کنت۔ آئی ءَ گوشت کہ ماڑی آناں بلٹ میکنزم ءِ گوما ڈیزائن کنگ بہ بیت تانکہ آوانی تہءَ اسپیشلیں مردم آنی واستہ جوان شر جوڑ کنگ بہ بیت ءُ ایشی ءِ گوما چھت آنی سر ءَ سبزئی ءِ کشت ءُ کشار ءُ سر سبزی ءِ واستہ تیار جوڑ کنگ بہ بیت۔ ایشیءَ ابید گرین انرجی پجاری کنگ ءِ واستہ سولر پینلز ھم جنگ بہ بیت۔
