اسلام آباد۔20جنوری (اے پی پی): مزن وزیر محمد شہباز شریف ءَ گوں متحدہ عرب امارات ءِ تاجر آنی سر ءَ زور پر داتگ کہ آ پاکستان ءَ سرمایہ کاری ءِ بے کساس موہ آں چہ سیت چست بکن اَنت۔ پاکستان 22 کروڑ ءَ چہ گیش آباتی ءِ مارکیٹ انت ادا ھاٹیگ ، انفراسٹرکچر، ای کامرس، کشت ءُ کشاری صنعت ءُ آئی ٹی ءِ شوبگ ءَ سرمایہ کاری ءِ واستہ آئی ءِ وداریگ آں۔ آدینگ ءِ روچ ء خلیج ٹائمز ءَ را داتگیں گلگدارے ءَ مزن وزیر َ گوشت کہ دوئیں ملک آنی نیام ءَ دو نیمگی تجارت ءِ کساس 22۔2021 ءِ ساھت ءَ 25.40 درسد گیشی ءِ گوما 10 ارب 60 کروڑ ڈالر بوتگ پدا ھم دو نیمگی تجارت ءِ اے تک ءَ انوگ ءَ تاں دوئیں ملک آنی یکوئی آنی راستیں درشان نہ انت۔ ما وتی استیں اقتصادی، تجارتی ءُ سرمایہ کاری ءِ یکوئی آناں گیش مھکم جوڑ کنگ ء واستہ کوشست ائیگ آں۔ یک جستے ءِ پسو ءَ مزن وزیر ءَ گوشتگ کہ ما وتی اقتصادی یکوئی آناں گہتریں سیاسی یکوئی ءِ ھمکچ ءَ برگ ءِ واستہ اقتصادی کمک آنی نوکیں کشت ءَ را پولگ ءَ آں۔ انفارمیشن ٹیکنالوجی ، مصنوعی ھیل کاری ءُ فنانشل ٹیکنالوجی ءِ شوبگ ءَ باز گیشیں ازم ءِ گوما کمک ءِ گنجاشک است انت۔ یک جستے ءِ پسو ءَ آئی ءَ گوشتگ کہ پاکستانی لڈ ءُ بارک کنوک وطن ءِ گہبود ءِ ھوالگ ءَ جتا جتائیں عرب امارات ءِ حکومت ءُ ایشی ءِ سروکی کنگ ءِ پد ءَ آئی ءِ شگر ءُ منت واری ءَ گراں۔ متحدہ عرب امارات ءَ 17 لکھ پاکستانی شرپ ءُ ازت ءِگوما وتی روزگار ءَ کمائینگ ءَ انت۔ مزن وزیر ءَ گوشت کہ ھدا مرزی شیخ زید بن سلطان النہیان ءَ پاکستان ءُ متحدہ عرب امارت ءِ نیام ءَ دوستی ءِ بنیات ایر کتگ۔ آئی ءَ واھشت بوتگ کہ پاکستان ءِ شمار سروک، وشھال ءُ نوک دیمروئی کنوکیں ملک آنی لڑ ءَ بہ بنت، ما آئی ءِ مزن جگری ءُ یکوئی آناں تاں دیراں یات کناں۔ آئی ءَ گوشت کہ پاکستان ءَ انوگیں بوتگیں سیلاپ ءَ چہ پد انوطہبی ءُ پاکستان ءِ نیام ءَ اسلام آباد ءُ صوبہ سندھ ءِ شہر کراچی، بدین ، شکار پور ءَ کمکی سامان آنی شنگ ءُ تالان ءِ واستہ یک بالی بریج ءِ جوڑ کتگ۔ نومبر 2023 ءَ یونائیٹڈ نیشن ءِ موسمی مٹ ءُ بدلی کانفرنس سی او پی 28 ءِ میزبانی ءَ متحدہ عرب مارات ءِ کامیاتی ءِ واستہ نیکیں واھشت آنی درشان ءَ کنان ءَ مزن وزیر ءَ گوشت کہ وتی موسمی مٹ ءُ بدلی سفارتکاری ءِ بھر ءِ رد ءَ پاکستان میاں اوستمانی تک ءَ موسمی مٹ ءُ بدلی ءِ رند پد آنی ھوالگ ءَ باست ءُ واست، سول ءُ تران ءُ کار ءَ را پکوئی کمک جاڑی دار ائیت۔
