ھواریں  حکومت  ءِ   درستاں چہ مستریں  کامیاتی  ملک ءَ را  پراجیکٹ  عمران    ءَ  چہ پاک کنگ انت، عمران پراجیکٹ  ءَ  ملک ءَ ر ا  معاشی  ڈکال ءِ نیمگ ءَ  تیلانک داتگ،  مرچی  ملک ءَ گران بھائی انت، معاشی  تباہی  ءُ سیاسی  نہ وشی عمران پراجیکٹ  ءِ سبب  ءَ انت،   مریم اورنگزیب

اسلام آباد۔20جنوری  (اے پی پی): بنجاھی وزیر  اھوالکاری ءُ شنگ کاری   مریم  اورنگزیب   ءَ  گوشتگ کہ   حکومت ءِ  ھواریں   ھمبراہ  داریں  پارٹی   آنی  درستاں چہ مستریں  کامیاتی ملک ءَ را عمران پراجیکٹ  ءَ   چہ  پاک  کنگ انت، ملک ءَ را  درستاں چہ مستریں  فارن ایجنٹ   کشاں چیل   ءُ مافیا  ءَ چہ   آزاتی  دیگ انت،   مدام  ملک ءُ معیشت     ءَ را  ڈکال  ءَ چہ  در کتگ،   عمران   پراجیکٹ   ءَ ملکءَرا  ڈکال ءِ  نیمگ ءَ  تیلانک  داتگ۔  مرچی  ملک ءَ   گران  بھائی ،  معاشی   تباہی  ءُ سیاسی  جزم   عمران  پروجیکٹ  ءَ چہ  انت،   آدینگ  ءِ  روچ ءَ عمران  خان  ءِ بیان ءِ  پسو ءَ  ھیال آنی درشانی ءَ کنان ءَ   بنجاھی وزیر  اھوالکاری   ءَ گوشتگ کہ پاکستان مسلم  لیگ  (ن)  2018  ءَ ملک ءَ  تاریخی  معاشی  برجائی ءُ الس  ءَ را  سستائیں  نان،  شکر،  ھارت،  توان،  گیس ، پٹرول،  ورنا آناں روزگار، ملک ءَ  دیمروئی ،  سی پیک،  14000  میگاواٹ  توان  ءُ ناشرکاری  ءَ چہ  پاک  پاکستان   داتگ ءُ شتگ۔  مسلم  لیگ  ن  ملک ءَرا تاریخی 6.2  درسد  دیمروئی ُ آئی ایم  ایف  ءِپروگرام   سرجم  کتگ  ءُ شتگ۔   آئی ءَ گوشتگ کہ   چار سال ءَ عمران پراجیکٹ  ءَ ملکءِ  معاشی  ڈکال   کتگ۔ ورنا آناں بے روزگار  کتگ۔ ملک ءَ را ناشرکاری   داتگ ءُ دیمروئی  ءِ  کشک ءَ  کنٹگ  جتگ۔