لاہور۔19جنوری (اے پی پی):مزن وزیر محمد شہباز شریف ءَ گوں وزیر ءِ ھاٹیگ نکولے شولگینوف ءِ سروکی ءَ ڈل ءَ پنچ شمبے ءِ روچ ءَ لاہور ءَ گند ءُ نند کت۔ دوئیں نیمگ ءَ دو نیمگی اقتصادی ءُ تجارتی یکوئی آنی دیمروئی ءِ واستہ ھاٹیگ ء، شوبگ ءَ ارزشت ءِ بابت ءَ تپاک کت۔ روس ءَ پاکستان ءَ را دراج بریں وھد ءُ پاس ءِ شرت ءَ ٹیل ءُ گیس ءِ پجاری ءِ ھوالگ ءَ ھیال ریچی کنگ بوت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ روسی ڈل ءَ را وش اتک کنان ءَ مزن و زیر ءَ روس ءِ گوما یکوئی آناں پاکستان ءِ واستہ ارزشت ءِ بابت چمشانک دات۔ آئی ءَ ستمبر 2022 ءَ سمر قند ءَ صدر رولادی میر پیوٹن ءِ گوما وتی گند ءُ نند ءَ را یات کنان ءَ گوشت کہ اے گند ءُ نند ءَ پاکستان ءُ روس ءِ یکوئی آناں گیش مھکم جوڑ کنگ ءِ واستہ ارزشتی ایں پیسلہ کنگ بوتگ۔ گیوس پائپلائنز آنی ھوالگ ءَ کار آنی سر ءَ چار ءُ بچاری ھم گرگ بوت۔ مزن وزیر ءَ 20 جنوری 2023 ءَ اسلام آباد ءَ بوھوکیں پاک روس یکجائی حکومتی کمیشن ءِ دیوان ھشتمی دور ءُ باریگ ءِ کار آنی ھوالگ ءَ سروکی پجاری کت۔ گند ءُ نند ءَ بنجاھی وزیر برائے اقتصادی کار سردار ایاز صادق ، بنجاھی وزیر تجارت سید نودید قمر ، وزیر ءِ مملکت برائے پٹرولیم مصدق ملک ءُ مزن وزیر ءِ ھاسیں کمکار طارق فاطمی ھم ساڑی ات۔
