اسلام آباد۔19جنوری (اے پی پی):صدر مملکت ڈاکٹر عارف علوی ءَ کمپیوٹنگ ءُ وت جوڑیشتی ھیل کاری شوبگ ءَ سرمایہ کاری ءِ ضلورت ءِ ھوالگ ءَ زور پر دیان ءَ گوشتگ کہ ڈیٹا ءُ مالومداری 21 بیست ءُ یکمی سد ءِ نوکیں گولڈ ات۔ پاکستان ءَ انفارمیشن اینڈ کمیو نیکیشن ٹیکالوجی ءِ شوبگ ترندی ءَ دیمروئی کنگ ءَ انت ءُ پیسلہ جوڑ کنوک آناں ملک ءَ آئی ٹی ءِ شوبگ ءَ دیمروئی ءِ واستہ زوتاں زوت پیسلہ کنگ ءِ ضلورت ا ِنت۔ پاکستان ءَ را اقتصادی جیڈھ آ نی گیش ءُ گیوار کنگ ءِ واستہ وتی برآمدات آناں ودینگ ءِ ضلورت انت۔ ءُ ائی ٹی سیکٹر ءَ کساس لُکوکیں وھد ءَ پاس ءَ برآمدات آنی تہ ءَ ترندیں دیمروئی ءِ ازمکاری است انت۔ اے ھیالانی درشانی آئی ءَ پنچ شمبے ءِ روچ ءَ سی ایکس او ڈیجیٹل فورم ءِ چیر دستی ءَ گلوبل ڈیجیٹل سمٹ ءِ گڈی دیوان ءَ گوں گشتانک دیان ءَ کت۔ اے موہ ءِ سر ءَ چیف ایگزیکٹو اپسرگ سی ایکس او ڈیجیٹل فورم کنول مسرور ءُ میڈی ٹیک امریکہ ءِ چیفف ایگزیکٹو اپسرگ مشیل اوکونر ءَ ھم گشتانک دات۔
