اسلام آباد۔19جنوری (اے پی پی):صدر مملکت ڈاکٹر عارف علوی ءَ گوشت کہ پاکستان کشمیری آنی آجوئی جہد ءُ کوشست ءِ سیاسی، سفارتی ءُ اخلاقی کمک ءَ را جاڑی دار ائیت، وھدیکہ آزات کشمیر کانود جوڑ کنوکیں اسمبلی ءِ باسک ءُ کلانہ ایں سیاسی سروک آنی وت مہ پنچ ٹکی منوگری منظور کتگ ایشی ءِ تہ ءَ بھارت ءَ گوں لوٹ کنگ بوتگ کہ آ 5 اگست 2019 ءِ و تی گیر کانودی، رھبندی گامگیج ءَ را واپس بہ زور ائیت۔ پنچ شمبے ءِ روچ ءَ ایوان ءِ صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر مملکت ءِ نمگ ءَ چہ آزات کشمیر ءِ کلانہ ایں سروک ءَ را سبارگ ءِ دعوت داتگ ایشی ءِ تہ ءَ آزات کشمیر ءِ دارُکی صدر چوہدری انوار الحق، مزن وزیر سردار تنویر الیاس، پیسریگیں مزن وزیر سردار عتیق احمد خان ءُ کانود ءِ جوڑی کنوکیں اسمبلی ءِ باسک ءُ کلانہ ایں سیاسی سروک آں بھر زوری کت۔
