اسلام آباد۔ 19 جنوری (اے پی پی) بنجائی وزیر ڈٹ بندی و شونداری پروفیسر احسن اقبال پارینے کہ وزارت ڈٹ بندی ٹی جہانی امداد آن پبی فائدہ ہرفنگ کن خصوصی پروجیکٹ سیل اس جوڑ کننگ انگ ءِ۔ داہیت ءِ او پنچ شنبے نادے آ داڑے جنیوا کانفرنس نافیصلہ غاتیا عملدرآمد نا جاچ ءِ ہلنگ کن اڈ ہلوک دیوان نا کماشی ٹی کرسا پارے۔ بنجائی وزیر پارے کہ جنیواکانفرنس اٹی جہانی امداد 10.9 ارب ڈالر آ سرمسنے و پاکستان نا پوسکن تفنگ نا حکمت عملی ءِ جہانی کہول آ پذیرائی دوئی مسنے۔ احسن اقبال پارے کہ جہانی امداد آن پبی فائدہ ہرفنگ کن خصوصی پروجیکٹ سیل اس وزارت ڈٹ بندی ٹی جوڑ کننگک۔ اسپیشل پروجیکٹ یونٹ گچین پروفیشنلز و چاہندار آتیا تالان مریک۔ اوپارے کہ جہانی امداد نا ڈٹ آتیٹی شفافیت ءِ پک کننگ کن تھرڈ پارٹی آڈٹ ءِ پک کننگک۔ بنجائی وزیر مستی پارے کہ صوبہ و بنجائی وزارت آتون اواری اٹ السی گرج آتا پروجیکٹ آتا تیاری نا دمدستی بناءِ کننگک۔
