اسلام آباد۔ 19 جنوری (اے پی پی) نیشنل ڈیزاسٹر مینجمنٹ اتھارٹی نا چیئرمین لیفٹیننٹ جنرل انعام حیدر ملک پارینے کہ قدرتی آفات بچاؤ پیشگی مون تننگ کن نیشنل ڈیزاسٹر مینجمنٹ تھنک ٹینک و ایمرجنسی آپریشن سینٹر مرکزی ءُ کڑ داس ادا کیرہ، قدرتی آفت آتون مون تننگ و خطرہ غاتا توننگ کن پوسکن آ تکنیکی اصول آتیا استوار بنائی انتباہی نظام کن اسیجائی آپریشن و فرضی مشق آتا اہمیت ءِ تالان کرسا آفت آتیان مست پیشگی تیاری کن تعلقدار ادارہ غاتے سوگو کننگ آ زور شاغا تانکہ آفت آتا خطرہ غاتیان دوچار الس ءِ آفت آتا منفی اثرآتیان بچفنگ مرے، داخیال آتا درشانی ءِ او نیشنل ڈیزاسٹرمینجمنٹ اتھارٹی نا کنڈان نیشنل یونیورسٹی آف سائنس اینڈ ٹیکنالوجی نسٹ اٹی فلاحی تنظیم آتون رابطہ دیوان نا کماشی ءِ کرسا کرے۔ دیوان اٹی پاکستان ہیومینیٹرین فورم و نیشنل ہیومینٹیرین نیٹ ورک نا باسک آتون اوار اوار جہانی این جی او تا نمائندہ غاک ہم بشخ ہلکر۔ دیوان نا مسخت قدرتی آفت آتا خطرہ غاتا توننگ و آفت آتون مون تننگ نا نظام ءِ گچین و فعال کننگ آ سجفنگ تون غٹ کمکار ادارہ غاتیٹی ہم گرنچی و کمکاری ءِ سوگو جوڑ کننگ ئسک۔ دیوان اٹی موسمیاتی بدلی تا اثرو اوفتے تون مون تننگ کن گچین و مربوط لائحہ عمل اسے نا ٹہیفنگ آ ہم گپ وتران کننگا۔ چیئرمین این ڈی ایم اے قومی کہول آ تیاری و رسپانس نا پوسکن آ ٹہیفوک آ فریم ورک انا بابت بشخ ہلوک آتے معلومدار کرے۔ اوپیدوار کرے کہ پوسکن آ ٹہیفوک آ فریم ورک انا کمک اٹ موسمیاتی بدلی و ہلہلہ ئی حالیت آتون پیشگی مون تننگ کن نیشنل ڈیزاسٹرمینجمنٹ تھنک ٹینک و ایمرجنسی آپریشن سینٹر مرکزی ءُ کڑد اس ادا کیرہ۔ اوقدرتی آفت آتون مون تننگ و خطرہ غاتا توننگ کن پوسکن آ تکنیکی اصول آتیا استوار بنائی انتباہی نظام کن اسیجائی آپریشن و فرضی مشق آتا اڈتننگ نا گرج آ ہم زور شاغا۔ چیئرمین این ڈی ایم اے قدرتی آفت آتون مون تننگ کن آفت آتیان مست پیشگی تیاری کن تعلقدار ادارہ و ڈسٹرکٹ ڈیزاسٹرمینجمنٹ اتھارٹی تے سوگو کننگ آ زور شاغا تانکہ آفت آتا خطرہ غاتا گواچی الس ءِ آفت آتا منفی اثر آتیان بچفنگ مرے۔ اوآسودہی گام گیج آتا پڑ آ این جی او/آئی این جی او تا نیام اٹ قومی منشاکار آتون ہم گرنچی آ زور شاغا تانکیہ ملک اٹی ڈیزاسٹر مینجمنٹ و رسپانس ءِ پین گچین و فعال کننگ مرے۔ بشخ ہلوک آک این ڈی ایم اے و غٹ کمکار ادارہ غاتا گام گیج آتے ہم گرنچ کننگ و پاکستان اٹی ڈیزاسٹر مینجمنٹ نا اول سر آن ٹہیفنگ کن تعلیمی ادارہ و تعلقدار کمکار ادارہ غاتون گپ وتران نا اڈتننگ نا ستاءِ کرے۔ این جی او /آئی این جی او و تعلیمی ادارہ غاتا نمائندہ غاک ڈیزاسٹر مینجمنٹ نا بشخ اٹی انتظامیہ، تعلیمی پولکار، آفت آتا خطرہ غاتا توننگ و غٹ تعلقدار بشخ آتیٹی ہم گرنچی، وسیلہ غاتا بشخنگ و پروجیکٹ فنڈنگ نا بابت چندی امور تیا چکار کرفے۔ چیئرمین این ڈی ایم اے بشخ ہلوک آتا سلاہ و سوج آتا ستاءِ کرسا باور کرفے کہ دا دیوان نا سلاہ و سوج آتے قومی کہو ل آتیاری و رسپانس سسٹم نا اول سرآن ٹہیفوک فریم ورک اٹ اوار کننگک۔
