اسلام آباد۔ 19 جنوری (اے پی پی) بنجائی وزیر توانائی انجینئر خرم دستگیر پارینے کہ پاکستان موسمیاتی بدلی آن زہمی ءُ ملک اسے و 2022 نا نوکاپ موسمیاتی بدلی تا پیدوار اشارہ اس ئسک، ننے آخبت اٹی ہم داوڑنا حالیت آتیکن ہروخت تیار رہینگوئی مریک۔ خرم دستگیر پنچ شنبےنادے آ داڑے اسہ دود اسے آن تران کرسا پارے کہ سندھ، بلوچستان و سویلی پنجاب نا علاقہ غاک نوکاپ آن زیات زہمی مسر، مخلوق ناکشاری ڈغار و فصل آک بھس مسر، نوکاپ زہمی علاقہ غاتیان دیر ءِ کشنگ اسہ مشکل ءُ ریسہ اس ئسک ہراڑتون مون تننگ کن حکومت غٹ وسیلہ غاتے کاریم اٹ اِیس۔ بنجائی وزیر پارے کہ ساڑی حکومت بھاز ترندی اٹ نوکاپ نا بگڑینگوک آ حالیت آتا مون ءِ توننگ نا کوشست کرے دیر انا کوڑی تیٹی ودکی کننگ المی ءِ، 2022 نا نوکاپ موسمیاتی بدلی تا پیدوار ءُ اشارہ اس ئسک، ننے آخبت اٹ ہم داوڑنا حالیت آتیکن ہروخت تیار رہینگوئی مریک، او پارے کہ نوکاپ آن زہمی علاقہ غاتیٹی بجلی نا نظام بھاز زہمی مسوسس ہرانا بحالی کن حکومت گام گیج کننگ ءِ و گیشتر علاقہ غاتیٹی بجلی نا بحالی نا کاریم پورو مسنے۔ انجینئر خرم دستگیر پارے کہ پاکستان نا 75 سال انا تاریخ ءِ ، ننے دا طے کروئی مریک کہ ننے ملک ءِ ہراکنڈا دروئی ءِ، پاکستان نا پوسکن آ چین ملک انا شونداری ٹی تینا بشخ ءِ شاغے و ننے پاکستان ءِ زرگزرانی وڑاٹ سوگو کننگ اٹ تینا کڑد ءِ ادا کروئی مریک۔
