اسلام آباد۔ 19 جنوری (اے پی پی) الیکشن کمیشن عمران خان نا برخلاف ضمنی گچین کاری تا گچین کاری خڑچ آتے ہرے آ جمع کرفنگ آ اونا عذر ءِ قبول کرسا اونا برخلاف درخواست ءِ سرتس۔ الیکشن کمیشن نا کنڈان پنچ شنبےنادے آ 6 پنہ غاتیا تالان نوشتہی فیصلہ ءِ جاری کننگا۔ فیصلہ ٹی چیف الیکشن کمیشن سکندر سلطان راجہ، نثار احمد درانی و شاہ محمد جتوئی آ تالان مسہ باسکی بنچ گونداکہ عمران خان نا کنڈان ہرا حلقہ غاتیٹی سرسہبی و سرکاری نتیجہ غاتا جاری کننگ نا 10 دے آن پد گچین کاری خڑچ آتے جمع کرفنگتویسس، اوڑا اونا وکیل ہرے نا بابت معافی نامہ اس پیش کرے ہرادے قبول کرسا کمیشن درخواست ءِ سرتس۔ یات سلے کہ عمران خان نا برخلاف دا درخواست ءِ مسلم لیگ (ن) نا قومی اسمبلی نا باسک علی گوہر خان ضمنی گچین کاری تیان پد تخوک آ تاریخ اسکان خڑچ آتا سرجم آتے جمع کرفپننگ آ تسوسس۔