اسلام آباد۔ 19 جنوری (اے پی پی) اسپیکر قومی اسمبلی راجہ پرویز اشرف و ڈپٹی اسپیکر زاہد اکرم درانی ئسک پاک ایران سیم انا خڑک چکاب سیکٹر اٹی دہشت گرد آتا جلہو نا مذمت ءِ کرینے۔ تینا جتا جتا مذمتی بیان تیٹی اواوفک جلہو اٹی سیکورٹی کارندہ غاتا جانی نسخان آ ڈکھیائی و است ہسونی نا درشانی ءِ کرسا پارے کہ وطن عزیز نا رکھ انا خاطر شہید مروک آ شہیدآتا قربانی تے مدام یات تخنگک۔ ملک دشمن زموارآک دہشت گردی نا کمک اٹ ملکی امن ءِ لتاڑنگ خوارہ۔ پاکستان نا سلہہ بند فوج دشمن نا ناپاک عزم ءِ مش تا کننگ کن مون تننگ ءِ۔ دہشت گردی نا برخلاف مچ آ قوم تینا سلہہ بند فوج اتون ہم کوپہ سلوک ءُ۔ اسپیکر و ڈپٹی اسپیکر شہیدآتا خاہوت آتون دلی ہمدردی نا درشانی ءِ کرسا اللہ تعالیٰ آن شہید آتا درجہ غاتا بڑزی و خاہوت ءِ دا بے بدل نسخان ءِ سگنگ کن صبر و جمیل عطا کننگ نا دعا ہم کریر۔
