بیجنگ۔18جنوری (اے پی پی):چین ءَ پاکستان ءِ سفیر معین الحق ء َ زور پِر داتگ کہ ماحولیاتی مٹء ُبدلی ءِ ناوشیں اثرآناں گرء ُدار کنگءِ ھاترءَ زور پر داتگ کہ ماحولیاتی مٹء ُ بدلی ءِ ناوشیں مٹء ُ بدلیءِ اثرآں گرءُدار کنگءِ ھاترءَ زوت ءُ اثرمندیں میاں اوستمانی کمک ءِ ضلورت اِنت۔ آئیءَ پاکستان ءِ ہارءَچہ آماچ بوتگیں دمگانی بحالی ء ُ آبات کنگءَ کمک ءِ ھاترءَ کمک جم کنگءِ ہوالگءَ چین ءَ پاکستانی سفارتخانہ ء ُ چائنا بائیو ڈائیورسٹی کنزورویشن اینڈ گرین فائونڈیشن (سی بی سی جی ڈی ایف)ءِ یکجاہی مہمان جہلی ءَ برجم داشتگیں مراگش ءَگوں تران کنان ء َ آئی ءَ گشتگ کہ پاکستان ءَ ہارءِ سوب ءَ 3 کروڑ 30 لکھ ءَ چہ گیش مردم آماچ بوتگ اَنت، لکھاں مردماناں انسانی ہمدردی ءِ بنیاتءَ زوت کمک ءِ ضلورت اِنت۔ آئیءَ گشتگ کہ اے گرانیں ساہتءَ میاں اوستمانی ہمدردی ء ُ ہمراہ داری ءِ پکار اِنت ء ُ جینوا کانفرنس اے ہوالگءِ گامگیج اِت کہ میاں اوستمانی براتی ءَ گوں ہمدردی ء ُ یکوئی ءَ پاکستان ءِ گوما ہمراہ داری کتگ۔ پاکستانی سفیرءَ گشتگ کہ چین دائمءَ پاکستان ءِ باز محکمیں ہمراہ دارء ُ شریدار اِنت۔ ا ے موہ ءَ چائنا بائیو ڈائیورسٹی کنزورویشن اینڈ گرین فائونڈیشن (سی بی سی جی ڈی ایف) سیکرٹری جنرل ڈاکٹر زہو جن فینگ ءَ میاں اوستمانی کمک ء ُ دونیمگی دودءُ ربیدگی ڈلاناں گیش کنگ ءِ وسلیگ ءَ موحولیاتی مٹ ءُ بدلی ءِ گامگیجاناں گیش کنگءِ ہوالگءَ سرپدی مہم ءَگوں تران کتگء ُ گشتگ کہ یکجاہی پائدگ ءِ سرءَ استیں باندات ءِھاترءَ ماحولیاتی تہذیب ءِ جوڑ کنگءَ میاں اوستمانی کمک ءِ ارزشتءِ سرءَ زور پِرداتگ۔
