اسلام آباد۔18جنوری (اے پی پی):صدر مملکت ڈاکٹر عارف علوی ءَ پنجگور ، بلوچستان ءَ سیکورٹی فورسز آں ناشرکاری ارش ءَ را مذمت گران ءَ ناشرکاری ارش ءِ ھلاپ ءَ جزم ءِ درشان کتگ۔ چار شمبے ءَ ایوان ءِ صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر مملکت ءَ ناشرکاری ءِ ھلاپ ءَ راج ءِ گوما مھکمیں جزم ءِ درشان کتگ۔ آئی ءَ ناشرکاری ارش ءَ سیکورٹی فورسز آنی چار کارندہ آناں شہید کنگ ءِ پد ءَ جھلانکیں ڈکھ ءِ درشان کتگ۔ ڈاکٹر عارف علوی ءَشہیید آنی ازمت ءُ وطن ءِ واستہ بے دروریں قربانی آناں توسیپ ءُ ستا پیش کت۔ صدر مملکت ءَ شہید بوتگیں کارندہ آنی مزن جگری ءَ را سلامت پیش کتگ۔ صدر مملکت ءَ پنجگور ءَ بوتگیں ناشرکاری ارش ءَ شہید بوھوکیں ورنا آنی گس ءِ مردم آں گوں دلپدری ءِ درشان کتگ۔ آئی ءَ شہید آنی واستہ برز ءُ بلندی ءُ سگ ءُ اوپار کشی ءِ دعا ءِ نیک کت۔
