اسلام آباد۔18جنوری  (اے پی پی): بنجاھی  وزیر  برائے  ماحولیاتی  مٹ   ءُ بدلی  سینیٹر  شیری  رحمان  ءَ  گوشتگ کہ پاکستان  ءِ موسمی مٹ   ءُ  بدلی جیڈھ  آنی  ھوالگ ءَ   مئے بھر  مان  نہ بوھگ  ءِ برابر انت  بلے  ایشی  ءَ ابید     ھور ءُ ھار  ءِ ساھت ءَ   اے جاور  ھال آنی   پد ءَ   مزنیں کساس  ءَ   قیمت   ادا  کتگ۔  اے  یک  ٹوھیں جیڈھ ات  ایشی ءَ ر ا  یکجائی  ءِ   گوں  گر ءُ چیل بوھگی  انت۔  اے  ھیالانی درشانی آئی  ءَ  ڈیووس  ءَ  میاں  اوستمانی اقتصادی  فورم  ءِ موہءَ پاکستان ءِ  ھوالگ ءَ برجم بوھوکیں  مراگش ءَ گوں گشتانک   دیان ءَ کت۔  بنجاھی وزیر  ءَ گوشت کہ   اے وھد ءَ  دگنیا ءَ را  موسمی  مٹ  ءُ بدلی آنی  سبب ءَ  ٹوھیں  جیڈھ آنی گوما  دیم  پہ  دیمی انت۔  وھدیکہ پاکستان  ایشی ءَ چہ  سک باز  آماچ   انت۔  آئی ءَ گوشت کہ استیں  سیلاپ  ءُ ایشی ءِ  نتیجگ ءَ بوھوکیں   تباہ کاری   اے گپ  ءِ سہرائیں  درور انت  کہ موسمی  مٹ  ءُ  بدلی  ءِ  رند  پد  باز  ھرابیں   رنگ  ائیگ  انت۔  شیری  رحمان  ءَ  گوشتگ کہ پاکستان  ءَ  سیلاپ   ءَ چہ   33 ملین  مردم آماچ  بوتگ انت،  بازیں دمگ   آپ  ءِ  چیر  ءَ   بوھگ  ءِ سبب ءَ  8  ملین  مردم  انوگ  ءَ تاں  آماچ  بوتگ انت۔  آباتی    ءُ  انفراسٹرکچر  ءَ را   تاوان  رستگ۔ سیلاپ  ءَ چہ آماچی آباتی ءِکساس سئے  نیامی   سائز  ءَ را  یورپی  ملک  ءِ آباتی  ءَ چہ گیش  چیا کہ  اے  کرن  ءِ    مستریں سیلاپ   بوتگ۔  آئی ءَ گوشت کہ یونائیٹڈ  نیشن  ءِ سیکرٹری  جنرل ءَ  وت  آماچیں دمگ  آنی تر  ءُ تاب  کت   ءُ سیلاپ  ءِ  تباہ کاری  آناں   چار   ءُ  تپاسی  گپت۔  آئیءَ گوشت کہ  ما  یونائیٹڈ  نیشن  ءِ سیکرٹری  جنرل  ءِ شگر ءُ منت وار  آں  آئی  ءَ  سیلاپ  ءِ آماچیں   مردم آنی  سکی ءُ  مشکل آناں    مار اتگ   ءُ  پاکستان  ءِ  واستہ  میاں اوستمانی کمک  ءُ ھمبراہ  داری  ءِ  واستہ  جنیوا کانفرنس   ءِ یکجائی  میزبانی  کتگ۔  بنجاھی وزیر  ءَ گوشت  کہ جنیوا ءَ  میاں  اوستمانی برات   آں پاکستان  ءِ  گوانک ءِ  ھمبراہ  داری  کتگ  ایشی  ءِ پد  ءَ  ما آئی  ءِ شگر  ءُ منت واری   ءَ گراں۔