اسلام آباد۔ 18 جنوری (اے پی پی) بنجائی وزیر ڈٹ بندی و شونداری احسن اقبال پارینے کہ ملک ءِ سرسہب کننگ کن المی ءِ ورناتے باشعور کننگے، نن ورناتا کمک اٹ نن شونداری نا مزل آتے طے کننگ کینہ۔ داخیال آتا درشانی ءِ او چارشنبےنادے آ نیشنل انکیوبیشن سینٹر اٹی اڈ ہلوک آ دود آن تران کرسا کرے۔ اوپارے کہ دا سینٹر 2016 ٹی جوڑ مسوسس، نن دا سینٹر آن ڈیجیٹل پاکستان نا وژن ءِ مون آ درین ، 2017 ٹی چار نیشنل انکیوبیشن سینٹر جوڑ کننگا، یونیورسٹی تا لیب ءِ دا سینٹر آتون منسلک کننگا، دا سینٹرآک پاکستان ءِ ترندی اٹ مون آ دننگ اٹ کمک کیرہ۔ او پارے کہ ملک اٹی تھری جی ، فورجی ، پالیسی ترسا ہنانن، ورناک دا سینٹر آتیان تینکن روزگار نا وارخواہی ہم کشنگ ءُ، دا ہمو ایجاد ءِ ہرا ہر ورناءِ مچ آ دنیا نا ڈیجیٹل مارکیٹ تون منسلک کرینے، نن تون اسہ ورنا چین اسے ہرا ملک ءِ سرسہب کننگ کیک، ملک ءِ سرسہب کننگ کن المی ءِ ورناتے باشعور کننگے، نن دُوارہ لیپ ٹاپ اسکیم اس اتنگ اُن۔ احسن اقبال پارے کہ ورناتا کمک اٹ نن شونداری نا مزل آتے طے کننگ کینہ، ننے آن پدی رہینگوک آ ملک آک ننے آن مون آہنار، اونا سوب پالیسی تا چرجوئی و سیاسی سوگوی ءِ، بھارت اٹی اسہ جماعت اس ہم دہ سال آن کم حکومت کتنے، ملاایشیا، سنگاپور، بھارت، بنگلا دیش اٹی ہم پالیسی تا چرجوئی ءِ، تدوک آ 25 سال اٹی پاکستان نزوری خنانے، پاکستان نا ورناچین اٹ ہرکوالٹی ساڑی ءِ، ہزار آ ورناتے شعور ایتنہ کہ بروک آ 10 سال اٹی مچ آ دنیا غان پاکستان اٹ ٹیک جوائنٹ اس بریک۔
