انڈونیشیا نا صوبہ گورونتالوٹی 6.3شدت نا زمی جمب

جکارتہ۔ 18 جنوری (اے پی پی) انڈونیشیا نا صوبہ گورونتا لو ٹی 6.3شدت نا زمی جمب ریکارڈ کننگانے۔ چینی خبررساں ادارہ ہندی موسمیات و جیوفزکس ایجنسی نا بابت پارے کہ انڈونیشیا نا صوبہ گورونتا لوٹی چارشنبےنا سہب انا 7 بجہ ءُ 34 منٹ آ زمی جمب نا لوڈو محسوس کننگانے ہرانا شدت ریکٹر اسکیل آ 6.3 ریکارڈ کننگانے۔ زمی جمب نا لوڈو سویلی صوبہ سلاویسی و نیامی سلاویسی ٹی ہم محسوس کننگا۔ قومی آفت آتا اثرآتون مون تننگ نا ادارہ نا ترجمان عبدالموہاری پارے کہ داسکان دا صوبہ غاتیٹی ہچ  ءُ جانی و مالی نسخان اسے نا حوال دوئی متنے۔ زمی جمب نا مرکز سمندر نا تہہ آن 138 کلومیٹر گہرائی ٹی ئسک۔