اسلام آباد۔ 17 جنوری (اے پی پی) وزیراعظم نا سلاہکار امور کشمیر و گلگت بلتستان قمر زمان کائرہ پارینے کہ پاکستان و بھارت نا نیام اٹ دِیر ہلنگ نا بابت ارلی وارننگ نا نظام ساڑی ءِ، ساڑی آ نوکاپ اٹی بھارت ہچ ءُ ودکی دِیر اس یلہ کتنے۔ سے شنبےنادے آ بڑزکو ایوان نا دیوان اٹی وقفہ سوج آتیٹی سینیٹر اعجاز چوہدری، سینیٹر فدامحمد و سینیٹر سیمی ایزدی نا سوج آتا ورندی ٹی قمر زمان کائرہ پارے کہ بھارت 34 ہزار کیوسک دِیر یلہ کرے، ارلی وارننگ نا نظام ساڑی ءِ، ہڑتوم آ ملک معاہدہ نا رداٹ پابند ءُ کہ بھلا حالیت آتا بابت اسہ ایلو ءِ معلومدار کیرہ۔ اوپارے کہ سندھ طاس معاہدہ پاکستان نا حق اٹی ئسک، اگہ دا معاہدہ متوکہ تو شاید بھارت پاکستان ءِ ہرا دِیر ملنگ ءِ اونا رُخ ءِ اسہ کنڈ کریکہ، عامی بینک دا معاہدہ نا ضامن ءِ۔
