اسلام آباد۔ 17 جنوری (اے پی پی) وزیر مملکت پیٹرولیم مصدق ملک پارینے کہ ملک اٹی گیس انا پوسکن آ کنکشن تیا پابندی ءِ، گیس انا نہاد اٹی ودکی کپننگ انگ ءِ، کبین ایل این جی ہلسا اڑزان سودا کننگ کپنہ۔ سے شنبےنادے آ بڑزکو ایوان نا دیوان اٹی سینیٹر اعجاز چوہدری، سینیٹر بہرہ مند و سینیٹر فدا محمد نا سوج آتا ورندی ٹی مصدق ملک پارے کہ عمران خان اوگرا نا کانود ءِ بدل کرسا گیس کنکشن تا فراوانی آ پابندی خلکوسس، اُرائی صارف، صنعت و بجلی نا پیدوار کن گیس فراوان کننگک، اُرائی صارف آتا طلب زیاتءِ، ہر سال 8 آن 10 درسد گیس کم ودی مریک، پوسکن آ گیس کنکشن تیا پابندی پین منہ وخت اسکان بایدے برقرار سلے، دا ملکی فائدہ ٹی ءِ، نن بایدے زموار شاری مننگ نا درشانی ءِ کین، زیات کبینی نا سوب آن گیس انا نہاد ءِ ودفنگتو، ملک اٹی کم نہاد آ گیس فراوان کننگ انگ ءِ، کبین ایل این جی ہلسا اڑزان سودا کننگ کپنہ۔ وزیر مملکت پارے کہ ہرا صوبہ غاتیان گیس پیش تمنگ ءِ ، ہموڑے گیس مہالو آن فراوان کننگ انگ ءِ ، اُرا و صنعتی صارف آتیاہم دا وڑ لاگو مریک، خیبرپختونخوا ءِ گرج انا رداٹ گیس فراوان کننگ انگ ءِ ہرا علاقہ غاتیٹی گیس ودی مریک ہموڑے سی ایس آر فارمولہ نا رداٹ شونداری کاریم کننگک، غٹ کمپنی تے پارت کننگانے کہ او اولیتی بنداو تیا ہندی بندغ آتے ملازمت ایتر۔
