اسلام آباد۔ 17 جنوری (اے پی پی) بنجائی وزیر توانائی انجینئر خرم دستگیر پارینے کہ ہڑدے آن زیات پِر تا سوب آن ساڑی آ نوکاپ بس، غٹ صوبائی حکومت آک مشکل حالیت آتیٹی پبی گام گیج کریر۔ سے شنبے نادے آ بڑزکو ایوان نا دیوان اٹی وقفہ سوج آتیٹی وزیر توانائی خرم دستگیر پارے کہ بھلا پِر تا سوب آن ساڑی آ بھسکار نوکاپ بس ، اول نوکاپ دریاتا دیر تا سوب آن بریک، ساڑی آ نوکاپ ہمو علاقہ غاتیٹی زیات بس ہراڑے مہالو آن کم پِر مریک، دا نوکاپ موسمیاتی بدلی تا سوب آن بس ہراڑے پِر زیات مسنے ہموڑے معمول آن کم مس، غٹ صوبائی حکومت آک مشکل حالیت آتیٹی پبی گام گیج کریر۔
