اسلام آباد۔ 16 جنوری (اے پی پی) بنجائی وزیر چاگڑدی بدلی سینیٹر شیری رحمان پارینے کہ پیپلزپارٹی نا بلدیاتی گچین کاری تیٹی گیشتری کٹنگ الس نا کنڈان پت انا وونٹ ءِ، داتم اسکان نا بلدیاتی گچین کاری تا نتیجہ غاتا رداٹ تحریک انصاف ءِ تاریخی شکست ملانے۔ دوشنبےنادے آ تینا ٹویٹ اٹی اوپارے کہ بلدیاتی گچین کاری تیٹی سرسہبی آ ووٹرز، پارٹی سرکڑدہ، اومیتدار و کارندہ غاتے مبارکبادی ایتیوہ۔ کراچی، جامشورو، حیدرآباد، دادو، جوہی، سیہون ، خیرپور ناتھن شاہ، مٹیاری و ٹھٹھہ تون اوار ایلو ضلع غاتیٹی پیپلزپارٹی نا تیر چلینگانے۔ اوپارے کہ سندھ انا مخلوق پیپلزپارٹی ءِ گچین کرینے وخت اس کہ تحریک انصاف نا پن انا بیانیہ ءِ اسہ وار ولدا مسترد کرینو۔ بنجائی وزیر پارے کہ پیپلزپارٹی بیانیہ آخا السی خذمت اٹ وخت گدریفینے، چیئرمین بلاول بھٹو نا کماشی آ الس ءِ پورو یقین ءِ۔ شیری رحمان پارے کہ کورونا دین مرے یا نوکاپ نن ہرمشکل اٹی الس تون سلیسونن، پی پی پی نا سیاست نا مسخت الس نا خذمت ءِ ، الس و پیپلزپارٹی نا نیام اٹ پت انا رشتہ اسُل پِنپک۔
