اسلام آباد۔ 16 جنوری (اے پی پی) پولیو تور پروگرام نا رداٹ اینخو سال انا اولیکو 5 دے ئی پولیو تور مہم بناکرینے، دوشنبے آن بناکروک آ پولیو تور مہم اٹی 44.2 ملین آن زیات چناتے پولیو دین آن بچفنگ نا پڑی تتون اوار اوار وٹامن اے نا خور ہم تننگک۔ دوشنبےنادے آ پولیو تور پروگرام آن جاری بیان نا رداٹ مسہ دے ئی پولیو تور مہم 16 آن 20 جنوری اسکان برجاسلک ہرانا مسخت پنچ سال آن کم وئی نا 44.2 ملین آن زیات چناتے معذوری نا سوب جوڑ مروک آ پولیو دین آن بچفنگ نا پڑی کُنفنگک۔ قوت مدافعت ءِ ودفنگ کن چناتے وٹامن اے نا سپلیمنٹس ہم تننگک۔ پروگرام نا رداٹ حیدر آباد ڈویژن نا 9 ضلع و کراچی ڈویژن نا 7 ضلع غاتیٹی بلدیاتی گچین کاری تا سوب گچین کاری مہم 23 آن 27 جنوری اسکان برجاسلک۔ 2 آن 4 جنوری اسکان سویلی خیبرپختونخوا نا 7 پولیو والا ضلع غاتیٹی مہالو آن پولیو مہم نا بناءِ کننگانے۔ دا 2023 نا اولیکو مچ آ ملک پولیو مہم ءِ و بھسکار نوکاپ آن پد اولیکو ملک گیر مہم ءِ ہراڑان ملک انا کم و ودسہ یک بشخ ڈبنگا و 33 ملین آن زیات مخلوق زہمی مس۔
