اسلام آباد۔ 16 جنوری (اے پی پی) قومی ادارہ جان جوڑی (این آئی ایچ) پارینے کہ مچ آ ملک اٹی 24 گھنٹہ ٹی کورونا دین انا 11 کیس رپورٹ مس۔ دوشنبےنادے آ این آئی ایچ نا کنڈآن جاری حساب وکتاب نا رداٹ مچ آ ملک اٹی تدوک آ 24 گھنٹہ ٹی 3 ہزار 85 کورونا ٹیسٹ کننگا ہرافتیان 11 ٹیسٹ مثبت بس۔ داوخت آ کورونا ٹیسٹ انا مثبت کچ 0.36درسد ئسک۔ تدوک آ 24گھنٹہ ٹی کورونا دین آن زہمی 14 ناجوڑ آتا حالیت نازرک ءِ۔ مچ آ ملک انا چندی شار تیٹی 24 گھنٹہ ٹی کروک آ ٹیسٹ آتا رپورٹ نا رداٹ راولپنڈی ٹی 240 ٹیسٹ کننگا ہرافتیان اسہ ٹیسٹ اس مثبت بس وخت اس کہ ہموڑے مثبت کیس آتا کچ 0.42 درسد ئس، لاہور اٹی 790 ٹیسٹ کننگا ہرافتیان 4 ٹیسٹ مثبت بس و کچ 0.51 درسد ئس، کراچی ٹی 190 ٹیسٹ مثبت کیس اسٹ و کچ 0.53 درسد وخت اس کہ اسلام آباد اٹی 100 ٹیسٹ آتیان اسہ ٹیسٹ اس مثبت ومثبت کیس آتا کچ اسہ درسد ئسک۔
