اسلام آباد۔ 16 جنوری (اے پی پی) بنجائی وزیر قومی جان جوڑی عبدالقادر پٹیل پارینے کہ حکومت پولیو نا چٹفنگ کن سنبرینگوک ءِ، اینخو سال انا اولیکو قومی پولیو تور مہم اٹی 44.2 ملین چناتے رکھی پُڑی کنفنگ نا ہدف ءِ مقرر کننگانے۔ دوشنبےنادے آ وزارت جان جوڑی آن جاری بیان نا رداٹ بنجائی وزیر پارے کہ اینخو سال انا اولیکو قومی انسداد پولیو مہم دوشنبے آن بناکرینے ہراٹی 44.2 ملین چناتے رکھی پُڑی کنفنگ نا ہدف ءِ مقرر کننگانے۔ پولیو تور مہم 16 آن 20 جنوری آ مننگ ءِ۔ حکومت پولیو نا چٹفنگ کن سنبرینگوک ءِ۔ اوپارے کہ پولیو نا چٹفنگ کن سخت گام گیج کننگ انگ ءِ۔ مہم اٹی 3 لکھ 60 ہزار آن زیات فرنٹ لائن ورکرآک بشخ ہلنگ اٹی ءُ۔ عبدالقادر پٹیل پارے کہ مہم اٹی وٹامن اے نا ودکی خور ہم تننگ انگ ءِ۔ اولمہ و باوہ غاتیان خواست کرے کہ او تینا چناتے رکھی پڑی ضرور کنفر۔ چناتے آخبتی معذوری آن بچفنگ ننا مذہبی و اخلاقی فرض ءِ۔ ہر وار ہر مہم اٹی پُڑی کنفنگ آن قوت مدافعت اٹی ودکی مریک۔
