اسلام آباد۔14جنوری (اے پی پی): بنجاھی وزیر تہی کار رانا ثناء اللہ ءَ کراچی ءُ حیدر آباد ءَ بلدیاتی گچین کاری ءِ ھوالگ ءَ کشاں چیل آنی پد ءَ جھلانکیں ڈکھ ءُ نہ وشی ءِ درشان ءَ کنان ءَ بلدیاتی گچین کاری ءِ 15 جنوری ءِ برجائی ءَ چہ سیاسی گل آنی نیام ءَ وت مہ وتی کسد ءُ کینگ داری آں ھرابیں رنگ ءِ آورتگ۔ شمبے ءِ روچ ءَ وتی بیان ءَ رانا ثناء اللہ ءَ گوشت کہ دو سیاسی گل بلدیاتی گچین کاری ءَ 15 جنوری ءَ کنائینگ ءِ ھک ءَ انت ءُ دو ایشی ءِ ھلاپ انت۔ آئی ءَ گوشت کہ استیں جاور ھال آنی رد ءَ کشاں کراچی ءُ حیدر آباد ءَ باز کشاں چیل بیت۔ آئی ءَ گوشت کہ ایش نہ وشیں گپ اِت۔
