اسلام آباد۔ 13 جنوری (اے پی پی) بنجائی وزیر ڈٹ بندی و شونداری پروفیسر احسن اقبال پارینے کہ پاکستان نا زرگزران نا بنداوآک سوگو ءُ زوت تنکی آن پیش تمنہ، زرگزرانی مشکل مون تروک ارے ولے ڈیفالٹ نا زیرو درسد خطرہ ءِ۔ برطانوی نشریاتی ادارہ تون گپ وتران اٹی اوپارے کہ زرگزرانی مشکل مون تروک ارے ولے ڈیفالٹ نا زیرو درسد خطرہ ءِ۔ پاکستان نا زرگزران نا بنداو آک سوگو ءُ زوت تنکی آن پیش تمنہ۔ اوپارے کہ نوکاپ نا بھسکاری آن 17 سد آن زیات جون تا نسخان مس۔ نوکاپ نا بھسکاری تیان 90 لکھ بندغ نیزگاری نا گواچی مسنو، 80 لکھ بندغ ءِ غذائی کاختی تون مون تروئی تما۔ اوپارے کہ جنیوا کانفرنس اٹی 10 ارب ڈالر آن زیات امداد نا قول کننگا۔ نوکاپ نا نسخان تیان پد بحالی نا عمل برجاءِ۔ احسن اقبال پارے کہ نوکاپ نا نسخان تا پوروی ءِ کننگ اٹ اِرٹ آن مسہ سال لگک۔ نوکاپ آن زہمی بندغ آتا بحالی کن حکومت مسہ سال انا ایجنڈا اس تیار کرینے۔ قومی تعمیر نو نا ایجنڈا نا رداٹ حکومت پنجا درسد وسیلہ فراوان کیک۔ ایلو 50 درسد وسیلہ غاتے جنیوا کانفرنس اٹی کروک آ جہانی قول آتے اٹ پورو کننگک۔ جہانی برادری و جہانی مالیاتی ادارہ غاتون اواری اٹ پوسکن تفنگ نا کاریم ءِ کینہ۔
SMH
