اسلام آباد۔ 13 جنوری (اے پی پی) وزیرخارجہ بلاول بھٹو زرداری و وزیر مملکت خارجہ امور حنا ربانی کھر 16 آن 20 جنوری اسکان سوئٹزر لینڈ نا شار ڈیووس اٹی مروک آ ورلڈ اکنامک فورم نا 53 می سالانہ دیوان اٹی بشخ ہلیک۔ داہیت ءِ دفترخارجہ نا ترجمان ممتاز زہرا بلوچ جمعہ نادے آ داڑے ہفتہ وار پریس حوال اٹی پارے۔ اوپارے کہ پاکستان ورلڈ اکنامک فورم نا دیوان تیٹی باقاعدہ بشخ ہلنگ اٹی ءِ۔ ترجمان پارے کہ پاکستان فورم اٹی جہانی اقتصادی اہمیت ناویل آتیا تینا نقطہ نظر ءِ پیش کیک۔ وزیرخارجہ ووزیر مملکت سیاسی راہشون ، کارپوریٹ ایگزیکٹوز ، جہانی ادارہ غاتا سروک، میڈیا وسول سوسائٹی نا سرکڑدہ شخصیت و ایلو پنی آ شخصیت آتون ہم اوڑدہی کیک۔
