اسلام آباد۔ 13 جنوری (اے پی پی) دفترخارجہ نا ترجمان ممتاز زہرہ بلوچ پارینے کہ پاکستان و متحدہ عرب امارات واپار، زرکاری و توانائی نا بشخ آتیٹی تین پہ تینی فائدہ مند کمکاری ءِ پین سوگو کننگ آ امنا کرینو، حکومت پاکستان و اقوام متحدہ نا اسیجائی مہمانداری ٹی مروک آ جنیوا کانفرنس اٹی پاکستان ءِملوک آ امداد ءِ موسمیاتی بدلی تتون مون تننگ و نوکاپ آن زہمی تا بحالی کن خڑچ کننگک۔ جمعہ  نادے آ ہفتہ وار پریس حوال اٹی او پارے کہ وزیراعظم محمد شہباز شریف متحدہ عرب امارات نا اِرادے ئی دورہ متحدہ عرب امارات نا صدر شیخ محمد بن زاید النہیان نا سلہ غا کننگ اٹی ءِ، وزیراعظم دورہ ٹی متحدہ عرب امارات نا صدر و وزیراعظم آن بیدس متحدہ عرب امارات نا نائب صدر و دبئی نا حکمران شیخ محمد بن راشد آل مکتوم تون اوڑدہی کرینے۔ اوپارے کہ ہڑتوم آ ملک آتا راہشونک دا اوڑدہی تیٹی پاکستان ومتحدہ عرب امارات نا نیام اٹ ہڑتوم آکنڈآتا تعلقداری تا جاچ ءِ ہلکر و واپار وزرکاری و توانائی نا بشخ آتیٹی تین پہ تینی فائدہ مند کمکاری ءِ مون آ دننگ و زرکاریءِ ودفنگ آ امناکریر۔ اوپارےکہ وزیراعظم واپار و زرکاری ءِ ودفنگ نا وارخواہی پٹنگ کن اینوپاکستانی و اماراتی پوریاگر و زرکارآتون اوڑدہی کننگ ءِ، وزیراعظم متحدہ عرب امارات نااِرادے ئی دورہ ءِ پورو کرسا اینو وطن آ پدی سرمریک۔ ممتاز زہرہ بلوچ پارے کہ ہند اہفتہ پاکستان جنیوا ٹی ڈونرز کانفرنس اڈ تس ہراٹی جہانی برادری و مالیاتی ادارہ غاک پاکستان نا نوکاپ آن زہمی تیکن است انا حب اٹ کمک کرینو۔ اوپارے کہ امداد موسمیاتی بدلی تتون مون تننگ و نوکاپ زہمی تا بحالی کن خڑچ کننگک۔ ترجمان پارے کہ پاکستان کابل اٹی مروک آ دہشت گرد نامذمت ءِ کرسا پارے کہ  دہشت گردی ہڑتوم آملک آتیکن خطرہ اسے، اوپارے کہ پاکستان مشکل وخت اٹیہ اوغانستان تون  یکجہتی نا درشانی ءِ کیک۔ دفترخارجہ ناترجمان بھارت نا غیرکانودی  کوزہ ٹی جموں وکشمیر اٹی  بھارتی فوج انا دوتے اٹ انسانی حق انا بھلا لتاڑ تا مذمت ءِ کرسا پارے کہ پاکستان کشمیری تا ہر کہول آ مخ تفیءِ برجاتخک۔

متعلقہ مضامینمصنف کی طرف سے مزید