ابوظہبی۔ 12 جنوری (اے پی پی) وزیراعظم محمد شہباز شریف متحدہ عرب امارات نا قومی ہیروتا یات اٹی تفوک آ واحتہ الکرامتہ نا دورہ ءِ کرے  و وطن نا دفاع و رکھ اکن متحدہ عرب امارات نا شہید آتا قربانی و نرزوری نا کارنامہ غاتے خراج عقیدت پیش کرے۔ پنچ شنبے  نا دے آ وزیراعظم آفس نا میڈیا ونگ آن جاری بیان نا رداٹ وزیراعظم محمد شہباز شریف تینا وطن نا دفاع و اونا رکھ اکن متحدہ عرب امارات نا شہید آتا قربانی و نرزوری تا کارنامہ غاتے خراج عقیدت پیش کننگ کن ابوظہبی ٹی قومی و دودوربیدگی تاریخی ہند واحتہ الکرامتہ نا دورہ ءِ کرے۔ وزیراعظم ءِ  ایگزیکٹیو ڈائریکٹر مارٹرز فیملیز افیئر، آفس خلیفہ بن تہنون بخیر کرے۔ وزیراعظم گارڈ آف آنر نا دود اٹی بشخ ہلک۔ اوکان پد وزیراعظم شہید آتا یات گار آ پھل آتا چادر اس شاغا۔ وزیراعظم واحتہ المکرمتہ نا تفصیلی دورہ ءِ کرے  ہراڑے اودے یات گار نا بارواٹی حوال تننگا ہرا اماراتی نرزور فوجی تا قربانی تا یات اٹی تفنگانے۔ وزیراعظم یات گار نا مہمان تا کتاب اٹی تینا خیال آتے نوشتہ کرے۔ واحتہ الکرامتہ متحدہ عرب امارات نا دارالحکومت ابوظہبی ٹی اسہ قومی و دودوربیدگی نشان اسے ہرا متحدہ عرب امارات نا شہید آتا نرزوری و یواے ای نا دفاع ٹی اوفتا قربانی تا یات اٹی جوڑ کننگاسس۔

متعلقہ مضامینمصنف کی طرف سے مزید