ابو ظہبی ۔12جنوری  (اے پی پی): مزن  وزیر محمد شہبا زشریف متحدہ عرب امارات ءِدوروچی ترء ُ تاب ءَ ابوظہبی سربوتگ۔ پنچ شمبے ءِ روچءَ مزن  وزیر کارگسءِ میڈیا  ونگ ءَ چہ شنگ  بوتگیں بیان ءِ ردءَ ابوظہبی ءِ بالی پڑءَ متحدہ  عرب امارات ءِ اقتصادی کارانی وزیر عبداللہ طوق المری ءُ پاکستانی سفارت خانہ ء،  افسرآں مزن وزیر محمد شہباز شریف ءَ را وش اَتک کتگ۔ مزن وزیر متحدہ عرب  امارات ءِ صدر شیخ محمد بن زیدالنہیان ءَ گوں گندء ُنند کنت کہ آئی ءِ تہا دوئیں براتیں اسلامی ملک آنی نیام ءَ اقتصادی، بیپای ء ُ زرکاری ءِ پڑآں  کمک ءَرا گیش کنگء ُ یو اے ای ءَ پاکستانی  مردمی قوت  ءِ ھاترءَ موہ ودی کنگءِ  ہوالگءَ ھیالء ُلیکہءِ  درشانی کنت۔  مزن وزیر محمد شہبا زشریف متحدہ عرب امارات ءِ مزن وزیر ء ُ نائب صدر ءُ  دبئی ءِ سروک شیخ محمد بن راشد المکتوم ءَ گوں ہم گندء ُنندکنت۔ اے موہ ءَ مزن وزیر بیپارء ُ  زرکاری ءَ را گیش کنگءِ ھاترءَ اماراتی بیپار ء ُ زرکاراناں گوں ہم گندء ُنندکنت۔

متعلقہ مضامینمصنف کی طرف سے مزید