اسلام آباد۔12جنوری (اے پی پی): مزن وزیر محمد شہبا ز شریفءَ گشتگ کہ ملک ءَ گندم اَست، ملک ءَ گندمءِ وت ساچیں کمی ودی کنگء ُ ناجائن کمائی کنگءِ اجازت دیئگ نابیت، حکومت نیزگاریں اُلسءِ ھاترءَ آرتءِ وت ساچیں کمی ءَ چہ گران بہائی ودی کنوکاناں سزا دنت۔ مزن وزیر کارگس ءِ میڈیا ونگءَ چہ شنگ بوتگیں بیان ءِ ردءَ اے ھیالانی درشانی مزن وزیرءَ وتی سروکی ءَ ملک ءَ گندم ءُ آرتءِ وت ساچیں کمی کنوکءُ ناجائن کمائی کنوکانی ہوالگءَ مزن تکءِ دیوان ءَ گپ ء ُتران کنان ءَ کتگ۔ دیوان ءَ وردن ء ُ وراک ءِ رککگءِ بنجاہی وزیر طارق بشیر چیمہ، مزن وزیرءِ صلہ کار احد چیمہ، ہمگرنچیں بنجاہی مزنیں حکام ء ُ صوبائی چیف سیکرٹری ہوار بوتگ اَنت۔ دیوان ءَ مزن وزیرءَ گشتگ کہ ملک ءَ گندم اَست۔ مزن وزیر ءَ گشتگ کہ گوستگیں پنچ روچاں حکومتءِ گامگیجانی برکتءَ آرتءِ 40 سیر ی بُچکا ءِ نیاد ءِ تہا کم ء ُ گیش 1000 کلدارءِ کمی بوہگ وشیں گپ اِت۔ دیوان ءَ را حال دیئگ بوتگ کہ ملک ءَ گندم اَست کمی نیست ء ُ صوبہ آناں پنت ءُشون کنگ بوہگءَ اِنت کہ پاسکو ءَ را فلور مل آں گند م ءَ را سرکنگءِ عمل ءَ را گیش کنگ بہ بیت، ایشی ءَ ابید 1.3 ملین میٹر ک ٹن گندم درآمدی گندم ءِ سٹاک ہم ملک ءَ سربوتگ وہدے کہ جنوری ءِ ہلاسی ءَ امچو اسٹاک سربیت۔ دیوان ءَ را حال دیئگ بوتگ کہ گوازوکیں سال سیزن ءِ گڑی ءَ گندم ءِ کیری فارورڈ سٹاک 1.4 ملین میٹرک ٹن بنت ، کہ اے نوکیں سیزن بندات بوہگءَچہ پیسر ملکی وردنء ُوراکی ضلورتاں پیلو کنگءَ بس اَنت۔ مزن وزیر ءَ استیں گندم ءِ سرءَ سدکی ءِدرشانی کتگ، ء ُ صوبہ آناں پنتء ُشون کتگ کہ گندم ءِ سرکنگءِہوالگءَ وتی گورننس کنگ بہ بیت۔
