اسلام آباد۔12جنوری (اے پی پی): مزن وزیر محمد شہبا زشریف ءَ گشتگ کہ پاکستان سعودی عرب ءِ مزن وزیر ءُ ولی عہد شہزادہ محمد بن سلمان ءِ نیمگءَ چہ پاکستان ءِ ہارءِ آماچیں مردمانی بحالی ءِ ھاترءَ یک ارب ڈالر ءِ کمک ءِ جار ءِ سرءَ شکرء ُمنت گپت، پاکستان ہارءِ آماچیں مردمانی آبات کنگءِ ھاترءَ سعودی عرب ءِ کمک ءَ را باز ارزشت دنت۔ مزن وزیر کارگس ءِ میڈیا ونگ ءَ چہ شنگ بوتگیں بیان ءِ ردءَ اے ھیالانی در شانی مزن وزیر محمد شہباز شریف ءَ سعودی فنڈ ءِ چارباسکی ڈل ءَ گوں پنچ شمبے ءِ روچءَ اسلام آباد ءَ گندءُ نندءِ تہا ڈل ءِ سروکی ءَ سعودی فنڈ ءِ چیف ایگزیکٹو آفیسر سلطان المرشد کنگ ءَ بوتگ۔ مزن وزیر ءَ پاکستان ءِ ہارءِ آماچیں مردمانی ھاترءَ یک ارب ڈالر ءِ کم کءِ جارءِ سرءَ سعودی عرب ءِ اُلس ء ُ حکومت ءِ دلءِ جہلانکءَ چہ شکرءُ منتءَ گپت۔ مزن وزیر ءَ اے گرانیں ساہتءَ پاکستان ءِ گوما ہمراہ داری کنگءَ سعودی مزن ءُ ولی عہد شہزادہ محمد بن سلمان ءِ ہم شکرء ُ منت گپتگ۔ گندء ُ نندءِ تہا پاکستان ءَ سعودی عرب ءِ بازیں دیمروئی منصوبہ آنی ہم چارء ُ تپاسی کنگ بوتگ۔ گندء ُ نندءِتہا حزانگءِ وزیر محمد اسحاق ڈار، کانودءِ وزیر اعظم نزیر تارڑ، مزن وزیرءِ صلہ کار احد چیمہ ء ُ ہمگرنچیں مزنیں حکام ہم ساڑی بوتگ اَنت۔
